CBSE: ‘Dost For Life’ mobile app kulishe

May 8, 2021. Central Board of Secondary Education (CBSE) para Covid-19 bemari hoi thaka samai board-affiliated school students khan laga  psycho-social bhal nemite notun mobile app kulishe. Etu notun app ‘Dost for life’ toh classes 9 para 12 dak aro parents khan nemite be counseling sessions toh May 10 darik para soruh koribo. Etu App para desh pura alag-alag jaga te students aro parents CBSE-affiliated schools te eke logot khobor toh janai thibo. Board para free te hafta te tin(3) paar Monday, Friday, aro Wednesday din te trained counselors/Principals para live counseling sessions thibo koishe. Etu saal 83 volunteers thaka pithor te India para 66 ase aro Saudi Arabia, UAE, Nepal, Oman, Kuwait, Japan aro USA para 17 volunteers thakibo. CBSE affiliated schools laga Students aro parents khan para tuita(2) samai- 9.30 am para 1.30 pm nahoile 1.30 pm para 5.30 pm toh junikena Chatbox te connect koribo. Etu app para students khan ke 10+2 bechete suggestive course guides nemite khobor thibo aro etu oper te mental health and well-being, corona guide, aro rap songs be junai thibo. ‘Dost for Life’ app toh Google Play store te paijabo aro aram para Android mobile te downloaded paribo. CBSE para aro ahiboli din te dosura mobile phone users nemite facility toh othai thiboli janaishe.