Veteran journalist Homen Borgohain morishe

May 12, 2021. Veteran journalist aro eminent litterateur Homen Borgohain toh Guwahati GNRC Hospital te Wednesday pujur 6:58am morishe koishe. Tai toh cardiac arrest hoikena bemar thakishe. Wednesday pujur Homen Borgohain toh pujur te ajanak tai laga ghor para kerishe aro GNRC te admitted korishe. 85 umer manuh toh celebrated writer aro Assam Sahitya Sabha former president ase. Tai ke April 24 darik te COVID-19 positive tested thurishe. Etu beche May 7 darik te tai ke COVID-19 negative test hoishe aro GMCH hospital para discharged korishe. Homen Borgohain toh Assamese daily Niyomiya Barta te editor-in-chief  kam kori thakishe. Tai laga novel Pita Putra nemite Assamese language te 1978 Sahitya Akademi Award thishe. Indian society te tolerance nathaka nemite tai para Sahitya Academy award toh 2015 saal te wabas korishe. Homen Borgohain toh December 7, 1932 saal te Assam district, Lakhimpur laga horu Dhakuakhana bosti te jonok paishe. Homen Borgohain toh Dibrugarh Govt boy’s higher secondary school te matriculation kotom howa beche Guwahati Cotton College te higher studies nemite joined korishe. “eminent litterateur, stalwart & veteran journalist Homen Borgohain mora khobor honai nemite besi mon dukh ase, tai para Assam te kam bhal besi korikena ase,” koikena Assam Minister Parimal Sulabaidhya para janaishe. Ace athlete Hima Das para koishe ke, “ami khan laga prominent litterateur aro veteran journalist of Assam, Homen Borgohain sir mora nemite besi mon kushi nai. Tai toh Asom Sahitya Sabha laga former president thakishe aro state laga apex literary body ase, ami laga mon dukh howa toh ghor manuh logot janai ase. RIP”.