Manipur te 17 jun morishe, 666 notun cases paishe

May 13, 2021. Manipur te COVID-19 halat toh besi beya jai ase aro etu oper Wednesday din te Covid bemar para 17 manuh mora khobor paishe. Etu notun 17 manuh mora toh melaikena Manipur te COVID-19 bemar para mora tally toh 526 hoikena ase koishe. Dosura khobor ekta te Manipur te 650 notun COVID-19 cases registered hoishe aro Manipur ekla te 666 notun COVID-19 cases aro thurishe. Etu 666 notun cases pithor te, 346 motha manuh ase aro 295 toh maiki manuh ase. State te Central Armed Paramilitary Forces logot 7 cases thurishe koishe. 666 notun COVID-19 cases melaikena, itya Manipur te active cases tally toh 5272 hoishe. Manipur te COVID-19 active 5272 cases te, 5099 toh general public ase aro 173 toh state te Central Armed Paramilitary Forces  logot thurikena ase koishe. Etu samai, Manipur  te sob melaikena COVID–19 cases  toh 37036 hoikena ase aro 24 gonda pithor te 358 manuh bemar bhal hoishe. Manipur te COVID-19 recovery rate toh 84.34% te lamikena ase koishe.