Gujarat te 45+ umer vaccine deya rokishe

Ahmedabad: Gujarat government para 45 umer oper manuh nemite Covid-19 vaccination drive toh tin(3) din nemite May 14 para 16 darik dak suspended korishe. Etu fesla toh vaccination samai notun guidelines bonabo nemite rokishe. Government para second dose loboli darik toh notun guidelines hesab te junai thiboli ase koishe. Etu nemite 45 umer oper saal manuh nemite government para notun darik toh khobor thibo. Sob 33 districts te vaccination drive toh aro May 17 darik para soruh koribo. Kaun manuh 18 para loikena 45 umer group te ase aro kaun khan second dose nemite SMS paikena ase, etu manuh khan ke May 14 para May 16 darik dak vaccine toh mariboli koishe. Friday din te Centre para junaishe ke, Covishield second dose toh first dose beche te 12 para 16 weeks pithor te loboli paribo kowa beche fesla toh bonaishe. Thursday din dak Gujarat te 10,742 notun cases thurishe etu melaikena 7,25,353 bemari cases ase aro 8,840 manuh morikena ase. Itya  Gujarat te 1,22,847 active cases hoikena ase aro 796 toh ventilator te ase. Gujarat te COVID-19 vaccine toh 1.47 crore manuh logot thikena ase aro etu samai 1.09 crore manuh first dose loikena ase aro dosura 37.89 lakh neshina manuh khan second dose loikena ase koishe.