India: UK para 260 Oxygen concentrators pongchise

London: United Kingdom India lag High Commission para koishe ke, India te COVID-19 second wave larai kora samai aro 260 oxygen concentrators toh New Delhi te hawai-jahaas para loikena jaishe. Twitter te kotha kora samai, High Commission para donors khan logot besi kushi janaishe aro etu oper te Qatar Airways, Air Vistara aro DB Schenker para free saman deya nemite be dunyaawad janaishe. “aro 260 oxygen concentrators toh Indian Red Cross New Delhi te hawai-jahaas para aji loikena jaishe, etu saman toh @O2CforIndia-226, IndiansinLondon @IIL2004-20 & St.Albans-14 @HCI_London logot besi kushi paishe aro etu oper te qatarairways @airvistara free transport & @DBSchenker ke be kushi toh janaishe,” koikena India para UK te koishe. Etu moina olop din akhe te be Indian Air Force aircraft para dosura 450 oxygen cylinders toh United Kingdom para loikena Tuesday din Chennai ponchise koikena Ministry of External Affairs (MEA) spokesperson Arindam Bagchi para khobor toh junaishe. May 2 darik te United Kingdom para junaishe ke, aro extra 1,000 ventilators neshina toh UK para India kahn coronavirus bemari logot larai kori thaka samai Indian hospital logot thiboli koishe. Aji olop akhe te 4 aircraft toh Singapore para oxygen cylinders loikena Chennai pongchise. Central Board of Indirect Taxes & Customs (CBIC), Chennai Customs laga khobor hesab te state government logot melikena kam tpoh besi bhal jai ase koishe. India te 24 gonda pithor te 3,43,144 notun COVID-19 cases thurishe aro 3,44,776 manuh bemar bhal hoishe, etu oper te 4,000 manuh morikena ase, koikena Friday din Union Health Ministry para janaishe. Etu sob melaikena India te total cases toh 2,40,46,809 ase. Itya dak India te 37,04,893 active COVID cases hoikena ase.