1st batch DRDO 2DG Covid tawai 10,000 doses olabo

May 15, 2021. India te coronavirus second wave logot larai kora samai, COVID-19 bemar bhal howa tawai 2DG, 10,000 doses toh aha hafta olaikena bemar manuh logot tawai toh thiboli ase koikena Friday din DRDO officials para junai thishe. “tawai bonai manuh khan para ahiboli din nemite tawai besi bonai ase. Etu tawai toh DRDO scientists team pithor te Dr Anant Narayan Bhatt para bonai ase” koikena officials para janaishe. Etu din te Karnataka Health Minister Dr K Sudhakar para koishe ke, DRDO 2DG laga Covid tawai toh desh para bemar logot larai kora samai game-changer hobo. Minister para city te DRDO campus visit kora samai scientists khan para research kori thaka aro bemari logot larai koriboli kam toh jai ase koikena janaishe. 2-DG (2-deoxy-D-glucose) toh anti-COVID-19 therapeutic ase koishe aro etu Institute of Nuclear Medicine & Allied Sciences (INMAS) aro lab of Defence Research and Development Organisation (DRDO) melikena Dr Reddys Laboratories (DRL), Hyderabad te bona ase koishe. Clinical trial results para thikishe ke, etu molecule para hospital te bohi thaka bemar manuh joldi bhal kori dey aro oxygen toh be komti loboli hoi jai koishe. Bemari manuh khan 2-DG lowa para COVID bemar khan ke  RT-PCR negative thikai. Etu tawai toh COVID-19 bemari manuh oper te besi faita hoboli ase, koikena statement te janaishe.