Agencies, 15 May: Saturday te Gaza City te Israeli airstrike para ekta multi-storey building beya korise aro etu te Associated Press aro Al-Jazeera nesana media laga office thakise. Building te be tusara offices aro residential apartments thakise. Etu hamla nakora ek khonta nesana agae te Israeli forces para building te thaka manu khan hatiyabole hosiyar (warn) janaideya thakise.
Etu sobse notun gondogol samai Hamas militants para Israel te 2,000 opor rockets hamla korikena ase. Palestinians media para komti hoilebe 139 manu (39 bacha be melikena) Gaza te moraideshe koise. Aro Israel para nouta mora (tuita bacha be melikena) report korise.
Israel-Palestine larai opor te khobor:
US to Israel: Media laga safety, secutity top zamidari:
White House para Israel ke alert korise Gaza te Israel laga airstrike para Associated Press aro Al Jazeera thaka building khor beya kora bechite independent media te bachabole kaam howa opor te.
White House press secretary Jen Psaki para tweet te koise tai khan Israeli ke sitha communicate kora aro journalists aro independent media laga safety aro security nemite agae zamidari howa ensure koribole.
Israel hamla bechite Media House para dhanda (silence) nahobo koise
Saturday te Gaza te Israeli air strike para Qatar-based broadcaster aro US news agency The Associated Press laga building khor beya kora bechite Al Jazeera para dhanda (silenced) nahobo koise.
Israel: Building khor te Hamas Military Assets ase
Israel para Hamas laga military assets toh building te ase koise. Terror group para media toh human shields hisab te jolaishe koise.
Israel Prime Minister Benjamin Netanyahu para Friday te Israel toh Hamas kelaaf Gaza te hamla kora rokhabole plan nai koise.
PM para tai khan ami khan laga capital te hamla korise, tai khan ami khan laga cities te rockets marishe koise. Etu nemite tai khan pay kori ase aro tai khan ektum pay kori thakibo koise.
Israel laga Iron Dome para rockets hamla te rokha aro beya kora
Aji kali Israel aro Palestine majote larai hoi thaka te hawa para hamla aro rocket hamla toh tuita desh majote hotai khobor hoi ase.
May 11, 2021 te, ekta video te dekhaishe Gaza te Hamas para Israel te rockets hamla te Israeli Iron Dome Air defence system para rokha. Shaa manu khan para rockets toh nadekha shield te mara dekhise.
Israel laga advanced drone aro defence systems aro sophisticated defence technology bona te duniya para jani. Ami khan Israel laga Iron Dome system kenaka kaam kori aro war samai desh toh ek step agae thakibole kenaka motob pai nejae te janai ase. Israel laga Iron Dome ke ase aro etu kenaka bonaishe?
Iron Dome toh ekta ground-to-air, short-range, air defence system ase. Etu te ekta Tamir aro radar interceptor missiles melikena ase aro etu para ke laga missile nahoile rockets te track koribole paribo aro beya (neutralize) koribole paribo. Iron Dome toh artillery and mortars (C-RAM), rockets aro helicopters, aircraft aro unmanned aerial vehicles tak be counter koribole nemite jolai.
Iron Dome ola toh 2006 sal Israeli-Lebanon war bechae para ase. Etu war te Hezbollah (Lebanese Shia Islamist political party aro militant group) para Israel ke thousands rockets hamla kora thakise.
Etu hamla bechae te next sal te Israeli government para state-run Rafael advance systems toh notun air defence system logote olabole janaideya thakise, tai khan laga cities aro manu khan ke bachabo nemite. System toh Israel Aerospace Industries logote bonaishe.
Israel laga Iron Dome toh 2011 te deploy kora thakise. State-run Rafael advance systems para Iron Dome laga kamiyab rate toh 90% ase koise aro 2,000 opor rokha logote, experts para kamiyaab rati toh 80% opor ase manishe.
Rafael laga website te janaideya hisab te, dome para forces te deploy aro guide koribole paribo aro Forward Operating Base aro urban areas te be.
Israel laga Iron Dome te tinta main systems ase aro etu toh area te shield debo nemite eki logote kaam kori aro besi khatara/threats te deal koribole pari.
Iron Dome te detection aro tracking rader ase aro etu para ahibole ke khatara/treats te hoilebe dekhibole paribo, aro ekta battle management and weapon control system (BMC) aro ekta missile-firing unit ase. BMC toh interceptor missile aro rader majote melae (linked). Iron Dome be din aro rati ke laga weather condition te hoilebe jolabole paribo.
India te Defence Systems:
Israel, logote Russia aro US toh ekta leader ase. Desh toh air defence system te master koribo lakibo kelay koile tai khan osor-osor te khatara thaka nemite. Tai khan ke US logote ektum osor kaam kori ase. India be aji kali Russia para S-400 defence systems toh $5 billion opor daam para kenibole process te ase. Systems kenibole kotha kora khan majote Iron Dome be ekta systems ase. India toh ekta continent size ase aro Israel toh ektum horu aro osor-osor para besi khatara (threats) te deal koribole olai. India te aji kali Akash Short-range surface to air missiles aro Russian systems (Pechora be melikena) ase.
Add Comment