Senior Journalist Sunil Jain morishe

New Delhi:  Business newspaper Financial Express laga Managing Editor, Sunil Jain toh Saturday din COVID-19 bemari para morishe, koikena tai laga bhoni Sandhya Jain para janaishe. Mr Jain logot coronavirus bemar thura beche AIIMS hospital te admitted hoishe. “aji sam Covid positive bemar para ami laga dada Sunil Jain morishe. AIIMS laga doctors aro staff khan para besi kujus korishe hoilebi etu satan toh kara thakishe. Tirthankaras para tai laga journey samai sapi,” koikena tai para koishe. Prime Minister Narendra Modi para koishe, “tumi besi joldi jaishe, Sunil Jain ami tumi laga khobor toh miss koribo, tui laga kam bhal toh hotai yaat koribo aro PM para khobor manuh logot mon dukh howa toh janaishe. Om Shannti.” Indian Express Group laga executive director, Anant Goenka para koishe ke, Mr Jain toh tai laga sathi neshina aro kam te besi bhal thakishe. “tai ke janai toh besi tangor moka thakishe aro tai ke hotai miss koribo,” tai para janaishe. Finance Minister Nirmala Sitharaman, tai mora khobor honikena besi adroit hoishe. Twitter user ek jun para koishe ke, Mr Jain para May 3 darik te tai laga halat beya howa toh posted korishe aro tai AIIMS hospital te admitted korikena thaka samai kushi janaishe. Tai koishe, “manuh sob logot ami ke motob kora nemite kushi janai ase, ami kaun logot dunyawad thibo koboli napara hoishe. Ami itya AIIMS emergency te ase, etu nemite ami safe ase,” tai para koikena thakishe.