Human trafficking case te 5 jun thurishe

May 17, 2021. Biswanath Police para 4 jun manuh ke human tracking case te thurishe, etu oper te maiki manuh ek jun be samil ase. Police para etu manuh khan laga hath para 4 jun bacha ke pachaise. Etu manuh khan laga nam toh Ifran Khan 20 umer, baba nam toh Gafar KJhan aro Biswanath district, Behali police station pithor te thaka manuh ase, Asish Panika alias Babu, baba nam toh late Falu Panika aro Gohpur police station pithor Mikir Sang (Dufflagarh) jaga te thaka manuh ase, Jushna Deori, 28 umer, Gospur PS, Chatrang Nepali Gaon aro 48 umer Damodar Deori, Chatrang Nepali Gaon. Etu samai 15 umer bacha ek jun ke be etu case connection te Behali police para thurishe. Etu operation toh Behali Police inspector Resheswar Saikia aro Behali police station laga officer-in-charge Kamal Boro para kora ase koishe. “investigation kora samai etu manuh khan toh Behali police station pithor te tinta(3) bacha trafficking cases te samil ase,” koikena Biswanath Police para janaishe. Etu manuh khan laga kotha hesab te police para 4 jun bacha 6 umer para loikena 9 umer khan ke Arunachal Pradesh laga alag-alag jaga te paishe, police para etu khobor toh janaishe. Etu bacha khan pithor te 3 jun motha aro 1 maiki thakishe. Behali police station te tinta(3) cases registered kora te 5 jun manuh ke thurishe. Behali police station te case (no. 22/2021) toh section 363 IPC pithor te 370(5)/371/34 IPC registered korishe. Dosura cases toh Behali PS Case no. 16/ 2021 u/s 144/ 447/341/ 325/326/427/365 IPC and Behali PS case no. 107/ 2020 u/s 363 IPC Added Section Sec 370 (5)/ 371/34 IPC ase koishe.