Itanagar te lockdown aro 2 hatfa othaishe

May 17, 2021. Itanagar Capital jaga te lockdown toh aro tui(2) hafta nemite othaishe koishe. Etu lockdown othaboli hokom toh Itanagar Capital Region (ICR) Deputy Commissioner Talo Potom para fesla kora toh junai thishe. Lockdown aro otha toh May 17 darik 5am para loikena May 31 darik 5 pm dak thakibolio ase koishe. Itanagar Capital Region (ICR) te lockdown othaboli fesla lowa toh bemari cases besi othi-thaka nemite Arunachal Pradesh government para kora ase. Itanagar Capital Region (ICR) toh Itanagar, Naharlagun aro Banderdewa ase. Khobor hesab te Itanagar te SOPs puila juanaikena thaka toh lockdown samai jai thakibo. Dukan neshina grocery, vegetables, meat, etc toh 6am para 12 pm dak kulibo. Etu oper te 2:30 pm para loikena 5am samai dak manuh peraboli mana ase koishe. Arunachal Pradesh te rathi curfew toh be 6:30 pm para pujur 5 dak jai thakibo koishe.