Kohima, 17 May: Minister for Health & Family Welfare, Government of Nagaland, S Pangnyu Phom para Monday te age group 18-44 omar nemite free Covid-19 vaccination suru korise.
Nagaland government para poila state laga sob citizens 18 to 44 omar nemite free para dawai debole fesla lowa thakise.
Health Minister S Pangnyu Phom para age group 18-44 omar nemite COVID-19 Vaccine (Covishield) ola toh Monday, May 17, 2021 te Directorate of Health & Family Welfare te inaugural program lowa samai thakise aro etu samai te PD, SPO (UIP) aro tusara Officials thakise. Pangnyu para dawai toh free hobo aro manu khan kon COWIN Portal te registered hoise tai khan laab pabo koise. Tai para be tusara phase nemite registration joldi janaidebole ase koise.
Online registration toh vaccination nemite mandatory ase aro manu khan CoWIN & Aarogya Setu app para register koribole paribo aro tusara eku onsite registration nathakibo koise. Aro registration samai Identity Card jola toh vaccine site te olabo laki koise.
Nagaland te 8 lakh citizens toh age group 18-44 te estimate korise. State government ke koi thaka age group nemite two doeses COVID vaccination drive kothom koribole nemite 16 lakh doses dawai laki. Dawai COVISHIELD nemite daam Rs. 64 crore jabole estimate korise.
Add Comment