Ahmedabad: Gujarat’s Rajkot district te coaching centre malik ke COVID-19 hoshari neum beya korikena namana nemite thurishe koishe. Monday din police para koishe ke, etu jaga te checking kora samai 550 students tai laga coaching centre te thakishe koishe. Sunday din te centre toh check korikena malik, Jaysukh Sankhalva 39 umer ke Monday din te thurishe, koikena khobor toh Superintendent of Police Balram Meena para junaishe. Tai ke IPC pithor Epidemic Diseases Act provisions te police laga COVID-19 hoshari hokom namana nemite thurishe koishe. Etu bacha khan ke nejor laga ghor manuh logot ponchaise,” tai para koishe. Police laga khobor hesab te, Jaysukh Sankhalva para coaching centre-cum-hostel jolai ase aro students khan ke Jawahar Navodaya Vidyalaya aro Balachadi Sainik School entrance exams nemite training dey koishe. “khobor hona hesab te ami khan etu jaga te jaikena check kora samai 555 students toh 9 umer para loikena 10 umer dak tuition loi thakishe. Etu bacha khan toh kaun be mask laka nai aro social distance be thaka nai koishe. Government para COVID-19 bemari thaka nemite classroom teaching toh bondh korikena ase hoilebi etu centre toh bondh nakorikena thakishe,” koikena police station sub inspector JH Sisodiya para khobor toh janaishe. Tai ke nathura akhe te, Sankhalva para reporters logot koishe ke, students khan toh tai laga hostel te parents laga monjur hesab te May 15 darik para thaki ase. “students besi wala toh Navodaya Vidyalaya entrance test thiboli thaka postponed hoishe. Etu bacha khan laga parents para ghor te wabas nahoikena hostel te rakiboli koikena ase,” tai para janaishe.
Gujarat coaching centre te 555 students thakishe, malik thurishe
