New Delhi: Tuesday din te Women and Child Development Minister Smriti Irani para junaishe ke, desh pura te April 1 darik dak te 577 bacha khan orphaned hoikena ase, etu bacha khan laga ama aro papa khan COVID-19 bemari para morishe. Tai aro koishe ke, government para kuan bacha laga ama aro papa Covid bemar para morikena ase, etu bacha khan ke saikena motob koriboli janaishe. “GOI (government of India) para kaun bacha laga ama aro papa Covid bemar para morishe, tai khan ke motob koribo. 1st April 2021 para loikena aji 2:00 PM samai dak te, desh pura laga state governments & UTs jaga te 577 bacha khan laga ama aro papa toh Covid-19 bemar para mori jaishe,” koikena Ms Irani para janaishe. Etu bacha khan ke najarikena district authorities para saboli laki koishe, khobor para janaishe ke, jodi etu bacha khan counseling lakishe koile National Institute of Mental Health & Neurosciences (NIMHANS) team khan para motob koriboli tayar ase. Tai khan para koishe, etu bacha khan ke saboli nemite funds komti nathaka nahoi. “Centre toh hotai din states & districts logot etu bacha khan nemite khobor loi ase, tai khan ke motob koribo nemite funds besi rakina ase. Women & child development ministry para stakeholders aro UNICEF logot meeting korishem koikena khobor para janaishe. Dosura khobor ekta te, WCD ministry laga secretary, Ram Mohan Mishra para koishe ke, 9 countries pithor te India para 10 missions te 10 one-stop centres (OSCs) kuliboli ase. One-stop centres (OSCs) para maiki manuh nemite violence cases saboli ase koishe. “Bahrain, Kuwait, Oman, Qatar, UAE, Australia, Canada aro Singapore te ekta (1) OSC kulibo aro Saudi Arabia te tuita(2) OSC kulibo,” tai koishe. Etu oper te desh pura te 300 neshina OSCs kuliboli janaishe. Etu centres toh WCD ministry par motob koribo aro External Affairs Ministry para jolabo ase, koikena tai para aro khobor toh janaishe.
Smriti Irani: Covid nemite 577 bacha Orphan hoishe
