May 26, 2021. Wednesday din te Tamil Nadu Chief Minister MK Stalin para koishe ke, government para state Assembly samai Union government logot kotha korikena tinta(3) farm laws toh hataboli laga kam koribo. Government para tinta(3) farm laws bonaikena thaka toh Farmers’ Produce Trade & Commerce (Promotion & Facilitation) Act, 2020, Farmers’ (Empowerment & Protection) Agreement on Price Assurance & Farm Services Act, 2020, aro Essential Commodities (Amendment) Act, 2020, ase. Statement ekta te Stalin para koishe ke, tai laga party DMK’s poll samai promise kora neshina resolution ekta Union government logot thikena etu tinta(3) farm laws toh hataikena dosura law pass koriboli kobo. Stalin para aro koishe ke, Union government para etu tinta(3) farm laws pass kora nemite farmers khan protest kora toh 6 moina hoishe. DMK President Stalin para aro janaishe ke, besi tangor bapana ase keli koile itya dak Union government para farmers khan logot ek paar be bhal para kotha korikena nai aro etu oper te tinta(3) farm laws hataboli eku khobor nathakina ase.
