May 26, 2021. Sunday din Manipur’s rebel outfit People’s Revolutionary Party of Kangleipak (PREPAK) laga tin(3) jun militant leaders rasta accident te morishe, tai khan para jaga nam toh janiboli deya nai koishe. Mora manuh toh PREPAK’s acting chairman, Khumujam Ratan alias Sathy alias Hera alias Awangba Meitei 58 umer, organisation laga secretary Mayengbam Joychand aro GSO-1 RK Ramananda ase koishe. United Liberation Front of Asom-Independent (ULFA-I) para militant leaders mora oper te mon dukh howa janaishe. Etu accident howa beche PREPAK para koishe ke, tai khan pithor te central committee toh dissolved korikena five-member interim council bonaishe. Etu notun interim committee para notun central committee napona dak party laga kam toh saii thakibo koishe. ULFA(I) laga publicity department member para statement te koishe ke, “United Liberation Front of Asom (Independent) para office-bearers & cadres of People’s Revolutionary Party of Kangleipak aro Manipur citizens aro chairman Khuujan Ratan, general secretary Mayengbam Joyce aro, GSO-1 RK Ramananda laga ghor manuh khan logot mora manuh oper te besi tangor mon dukh howa kotha toh janai ase.” “ami laga counterpart aro tai laga sepia kuan khan para WESEA jaga te freedom nemite larai kora te ami ekla nokson nahoikena Manipur nemite te be tin(3) jun tangor manuh jaishe,” koikena Rumel Asom para janaishe. “tai khan ke history hotai din yaat koribo aro tai khan laga future generations khan para be Manipur sovereignty nemite kam koribo,” ULFA(I) para statement te aro janaishe.
Manipur: 3 PREPAK leaders accident te morishe
