May 26, 2021. Aro tui(2) jun YouTubers para Arunachal Pradesh MLA Ninong Ering logot ‘Chinese’ mathishe. Etu tui(2) jun manuh para Arunachal Pradesh MLA Ninong Ering ke tai khan laga YouTube channels GTX Preet aro 420 Gaming te koishe. Etu jun YouTubers laga nam toh janiboli ase koishe. Etu YouTube channel GTX Preet laga subscribed aro followed kora toh 2 million manuh neshina ase. GTX Preet channel te YouTuber para lice video streaming te tai ((Ninong Ering) Chinese manuh neshina saboli ase koishe. Dosura khobor ekta te 420 Gaming channel laga YouTuber para be koishe ke “ (Ninong Ering) nam toh Chinese nam ase.” Etu tui(2) video toh be ek din ahke te YouTuber ek jun Paras Singh koikena tai para Arunachal Pradesh MLA Ninong Ering oper te kotha beya phelishe. Etu manuh ke Punjab Ludhiana police para thurikena ase koishe. Etu khobor nemite Arunachal Pradesh MLA Ninong Ering para koishe ke, tui(2) jun YouTubers logot be action loboli ase. Ninong Ering para koishe, “ami khan etu tui(2) jun laga nam toh janboli kori ase, ketai tai jun laga nam aro jaga khobor hobo, ami khan Crime Branch of Arunachal Pradesh Police logot complaint thibo.” Arunachal Pradesh Police laga 3-member team toh Punjab, Ludhiana te YouTuber Paras Singh ke loboli jaishe, tai para olop din akhe te MLA Ninong Ering oper te social media te besi kotha beya koikena ase. Tuesday din Arunachal Pradesh police team toh Inspector-rank officer – Techi Vijay para loikena Special Investigation Cell laga tui(2) constables Ludhiana, Punjab te jaikena ase. IGP (Law and Order) – Chukhu Apa para janaishe ke, Arunachal Pradesh Police team toh Wednesday din Ludhiana pongchibo aro Paras Singh ke Itanagar te 5 din neshina rakibo koishe.
Aro tui(2) YouTubers para AP MLA Ninong Ering ke ‘Chinese’ koishe
