Assam Police: 5 din pithor 223 drug beka manuh thurishe

GUWAHATI: Assam Police para jowa hafta pura samai state te drugs jolai thaka samai Assam toh drugs-free hoboli nemite campaign thishe koishe. Officials laga khobor hesab te, May 25 darik para loikena May 29, 2021 dak te komti hoilebi, 223 manuh ke drugs kelaaf te thurishe aro etu oper te alag-alag police stations te 120 cases neshina registered korishe. 5 din pithor te saman thura laga list te 2439 grams heroin, 91kg ganja, 17,551 bottles of cough syrup, 1,57,061 methamphetamine tablets, 14.16 grams of morphine aro Rs 10.5 lakh cash thurishe koishe. State police force para drugs kelaaf te besi tangor kam kora nemite dunyawad janaishe aro etu oper te Assam Chief Minister Himanta Biswa Sarma para Monday din te koishe ke, “Assam Police para state te narcotics oper te kam kora toh besi bhal kam korishe,” koikena janai thishe. May 30,2021 darik te, Assam laga state pura te 35 manuh ke thurishe aro 20 cases neshina case registered korishe. Etu thura saman pithor list te 469.7 grams heroin, 574.31 kg ganja; 1499 tablets aro Rs 20,700 cash thurishe koishe. Assam Police para aro operation thaka samai dacoit aro drug peddler, Jaitul Kabir ke  Nagaon’s Juria jaga para Sunday rathi tai ke thurishe koishe. Itya Kabir toh medical elaj jai ase, tai para police oper te gooli jola nemite police para theng te gooli marishe. Etu samai, May 29  darik te state government para 6 jun high-profile drug traffickers khan logot Preventive Detention Order juani thishe koishe. Order toh Prevention of Illicit Traffic in Narcotics Drugs & Psychotropic Substances Act pithor te thishe, etu nemite 15 hotai beya kam kora manuh aro pura drug trafficking khan ke etu Act pithor te thurikena ase, koikena Monday sam te officials khobor para janai thishe.