June 2, 2021. Assam government para COVID-19 bemar logot besi mon thikena larai kori thaka nemite, Central government laga tangor ministers khan para Assam Chief Minister Himanta Biswa Sarma logot etu kam nemite parai dak motob koriboli junaishe. Centre para aro Assam Chief Minister, Himanta Biswa Sarma logot State te development nemite kam sai thiboli janaishe. Chief Minister Sarma para olop din akhe te Narendra Modi government laga tangor ministers khan logot meeting besi paar korishe aro etu samai tai Chief Minister howa beche 1st samai New Delhi te visit korikena kotha koishe. Monday sam te CM Sarma para Home Minister, Amit Shah ke lok korikena State te alag-alag kam nemite kotha koishe. Tai New Delhi te 2nd din visit kora te, CM Himanta Biswa Sarma para Vice President M Venkaiah Naidu aro Lok Sabha Speaker Om Birla logot be lok paishe. Tai para aro dosura tangor Union ministers neshina Defence Minister Rajnath Singh, Union Minister of Agriculture & Farmers’ Welfare Narendra Singh Tomar aro Minister for Road Transport & Highways Nitin Gadkari logot be lok korishe. “aji sam te ami para Union Minister Rajnath Singh aro dosura ministers lok korikena tai para Assam para Covid logot larai korit thaka samai DRDO & IV Corps motob deya nemite dunyawad thishe,” koikena Sarma para khobor toh janaishe. Khobor para koishe ke, tai aro Gadkari para Assam State te alag-alag developmental projects nemite te be kotha koishe.
Add Comment