June 10, 2021. Sikkim State te aro notun 231 COVID-19 cases thura khobor paishe. Etu notun cases melaikena State laga sob melaikena cases toh to 17,656 hoishe. 231 notun cases thura pithor te, East Sikkim para 140 cases, South Sikkim te 55 cases, West Sikkim te 34 cases aro North Sikkim district para 2 cases ase koishe. Sikkim te etu notun cases thura toh hoile 2135 samples tests lowa te paishe. Sikkim te notun cases thura beche positivity rate toh 10.8% te ase aro etu oper te 1 jun mora khobor be thakishe. Etu 1 jun mora toh melaikena itya dak Sikkim te sob melaikena 276 manuh bemari para morikena ase. Sikkim State te itya dak 13,265 manuh bemar bhal hoikena ase. Etu samai, 246 coronavirus-positive bemar manuh khan toh dosura state laga manuh ase. Sikkim te bemari bhal howa rate toh 75.1 per cent te ase koishe.
Add Comment