June 13, 2021. Saturday din te Mizoram government para aro Aizawl te June 21 daik dak lockdown othaishe. State te Covid-19 cases besi othi-thaka nemite ase koishe. Aizawl te lockdown toh June 14 darik te kotom hoboli thaka ase. Etu order toh Saturday din issue korishe aro notun COVID-19 cases besi howa nemite lockdown toh junaishe. June 5 darik laga guidelines hesab thakibo, hoilebi konuba notun guidelines oper te June 14 darik para 21 darik dak thakibo koishe. Notun guidelines hesab te, Aizawl te manuh khan ghor compound te naolabo aro etu compound te eke building te thakai manuh ek jun-ek jun visit nakoribo. Intra-state aro inter-village movement toh besi kara koribo, hoilebi medical emergencies nemite bondh nai koishe. Deputy commissioners para jodi lageli nejor jaga te containment zone junai thiboli ase koishe. Alag-alag town/bosti para dosura town/bosti te jaikena visit koriboli mana ase, koikena order te janaishe. AMC jaga te essential commodities toh hotai pujur 8 am para kulibo aro dosura dukan agricultural seeds aro saman laga dukan toh hotai din 5am para 5 pm dak kuliboli janaishe. School textbooks, motor workshops aro spare parts dukan toh Tuesday din te kulibo aro construction materials, computers, mobile phones dukan toh Friday din te kulibo koishe. Vegetable and meat markets toh Friday din 5 am aro 5 pm dak kula thakibo. Hoilebi, AMC jaga bahar te economic aro dosura agricultural activities toh Covid-19 hoshari neum te hotai din kula thakibo, koikena order para janaishe. Hospitals, nursing homes, clinics, laboratories, pharmacies, dispensaries, bank arp non-banking financial institutions, post offices, filling stations, LPG storehouses, fair price shops, animal feed stores, aro dosura dukan khan toh lockdown samai kula thakibo. Parthana kora jaga, educational institutions, public parks, picnic spots, movie theatres, gymnasiums, community halls, restaurants, shopping complexes, aro malls toh State pura te bondh thakibo. Etu oper te konuba government offices toh Aizawl te lockdown thaka samai bondh thakibo. Hoilebi, AMC jaga osor te government offices aro commercial banks toh Covid-19 hoshari neum kara thakina kulibo. Saturday din Mizoram te 178 Covid-19 cases thurishe, etu melaikena state te 14,921 cases hoishe. Itya dak te active cases toh 3,356 ase aro Saturday din te 145 manuh bemar bhal hoishe, etu melaikena itya dak te 11,503 bemar bhal hoikena ase. Sate te bemari para 62 manuh morikena ase.
