June 22, 2021. Mizoram te Covid-19 toh besi beya hoikena itya virus toh northern fringe Aizawl orphanage home-cum de-addiction centre te be pongchise aro etu jaga te 528 notun positive cases thurishe koishe. Etu cases toh Sunday din orphanage te screening lowa samai thura ase. Mizoram medical operational team chairman aro Mizo National Front (MNF) MLA Dr. ZR Thiamsanga, para koishe ke, Mizoram te 24 gonda samai 662 notun Covid-19 cases thurishe, State te ek din pithor te sobse besi cases thura ase. Ek din laga positivity rate toh 35.26%, state te sobse besi ase. Sunday din 1,877 samples tested kora te thurishe. Mizoram te 1st Covid-19 cases toh March 24, 2020 te thurishe aro bemar para manuh 1st mora khobor toh jowa saal October 28 darik te morishe. 662 notun cases pithor te, 528 cases toh Thutak Nupuitu Team (TNT), Zuangtui’s Muanna Veng northern fringe Aizawl orphanage cum de-addiction centre te thura ase, koikena Thiamsanga para janaishe. Thutak Nupuitu Team (TNT) te eman besi cases thura nemite state toh asorit hoishe. Thiamsanga para aro janaishe ke, olop din akhe orphanage te Covid19 cases 5 jun logot thura toh besi bapana thaka nemite Sunday din state government para screening lowa te thura ase. Thutak Nupuitu Team (TNT) te thaka manuh 1,500(children & adults) orphanage home cum de-addiction centre toh Dr. Sangthankima para kula laga ase, koikena Thiamsanga para koishe. Sunday din etu centre te screening samai 989 samples tested kora te Covid-19 positive toh 53.38 per cent paishe. 150 manuh logot Covid-19 toh mild symptoms thakishe aro baki manuh khan toh asymptomatic ase koishe. Aizawl district administration para Muanna Veng jaga toh containment zone junaishe aro centre te konuba jaga toh Community Covid-19 Care Centres (CCCC) bonaishe. State government para konuba officials aro local leaders appoint korikena TNT centre te Covid-19 medical operational team khan para jaga toh saboli ase koishe. Mizoram te itya Covid-19 bemari cases toh 17,605 thaka pithor te 4,132 toh active ase. Sob melaikena 13,390 bemar bhal hoikena ase aro State te bemari para 83 jun morikena ase, etu samai 24 gonda pithor te aro 2 jun mora khobor paishe. Mizoram te itya dak 4,54,332 samples tested korikena ase.
