June 25, 2021. Mizoram te 24 manuh aro tui(2) security personnel aro 55 bacha logot novel coronavirus positive positive paishe, etu melaikena state te Covid-19 caseload toh 18,859 hoishe, koikena Friday din health officials para janaishe. State te aro 24 gonda pithor te Covid-19 bemar para tui(2) jun morishe, etu melaikena virus bemar para 88 manuh morikena ase. Notun Covid-19 cases toh alag-alag district para thurishe aro Aizawl te sobse besi 130 cases thurishe, etu beche Kolasib district te 25 cases aro Lawngtlai district te 23 cases paishe koishe. Ek din laga positivity rate toh 6.56 per cent ase aro etu notun cases toh 3,413 samples tested kora te thurishe. 12 manuh logot travel history thakishe aro baki 212 manuh ke virus toh locally lakai ase koishe. 126 bemar manuh logot Covid-19 symptoms paishe, etu samai 96 jun toh asymptomatic ase aro tui(2) jun laga halat toh aro khobor paboli ase koikena , officials para koishe. Mizoram te itya 4,455 Covid-19 active cases ase aro 14,316 manuh khan bemar bhal hoishe, etu oper Thursday din 220 manuh discharged korishe. Mizoram state te Covid-19 kelaaf te 4.68 lakh samples tested loikena ase. Coronavirus bemari hoikena bhal howa rate toh 75.91 per cent te ase aro mora rate toh 0.46 per cent ase. State immunization officer Dr. Lalzawmi laga khobor hesab te 4,59,681 manuh vaccine loikena ase aro 53,960 manuh Covid-19 vaccine tuita(2) doses be loikena ase.
Mizoram te 55 bacha logot Covid(+v) thurishe
