DIBRUGARH: Wednesday din te Sivasagar police para criminal Babu Konwar ke upper Assam, Sivasagar district, Geleky jaga te goole para moraishe koishe. Khobor hesab te 45 umer Konwar toh Geleky te police logot larai kora samai morishe. “Babu Konwar thaka jaga toh khobor powa nemite, police para Konwar ke thuriboli operation korishe, etu samai tai toh Geleky jaga te bantok nemite kotha koboli ahikena thakishe. Konwar aro dosura manuh ek jun toh two-wheeler para jai thaka samai police para rokaishe, hoilebi tai jun para police team oper te gooli jolaishe, etu nemite police para be gooli mara te jokom korishe aro hospital te loikena jowa beche doctors khan para morishe junaishe,” koikena Sivasagar SP Rakesh Raushan para khobor toh janaishe. “gooli mara-mari kora jaga te ekta 7.65 mm pistol, ekta magazine, 5 live ammunition aro konuba goole jola cases aro scooter ekta thakishe,” SP para aro koishe. Khobor hesab te 2013 saal te Babu Konwar logot National Security Act (NSA) para booked korikena thakishe aro tai oper te 45 cases neshina Assam te alag-alag police stations te registered hoikena ase koishe.
Assam te criminal Babu Konwar ke moraishe
