JUL 02, 2021 :Wally Funk 21 years thaka time de tai youngest woman thakeshe , 13 women major de aro physical test de pass kureshe. Amazon founder Jeff Bezos aro Wally Funk , kun Nasa astronaut training program 1960s de pass hoishe taijun space de eke loko fly kurebole ase. Tai laka rocket company Blue Origin de edu moina jabo koishe. Bezos laka company Blue Origin bara Thursday de announce kureshe ki Wally Funk aro Bezos taijun July 20 de West Texas bara launch kurebo aro ‘’ honored guest’’ neshena fly kurebo koishe. Wally loko Jeff Bezos aro tai laka bhai , kun $28 million charity auction judeshe, aro taikhan New Shepherd rocket ride kurebole first hobo. Wally Funk beshi kushi ase tai space de fly kurebo laka khobor hune kina .koishe “moi kedia bhi bhabanaiki moi space de jabo”. Fank bara video interview de company website de koishe. Fank koishe tai test de pass hilepe tai maiki hua bara space de jabole kedia bhi chance deyanai, hoilepe tai koishe moi ke hoilebe , eku matter nakuri kindu moi kurebole mon ase doh moi kurebo, aro moi manu khan kun bhi nakura kam kurebole mon ase koishe, Fank bara instagram laka video de Bezos bara post kura de koishe. Bezos doh Julu 4 de Amazon laka chief executive laka position bara olai jabo.
1961 aro 1963 de first American space program de fly kurebole test lua time de 13 maiki physical test pass kureshe aro edu 13 maiki major de Wally Fank sopse batcha wala thakeshe. Taikhan sop pass hoishe hoilebe maiki hua karne kun ke bhi cance diya nai koishe. 1963 de Russian maiki ekda Valentina Tereshkova koi kina tai first maiki thakeshe space de jabole.
Wally Fank doh Federal Aviation Administration de first woman inspector ase aro National Transportation Safety Board de first woman air safety investigator thakeshe. Tai koishe tai 19,600 fly kurebo laka hours thakeshe aro tai bara 3,000 manu loko beshi wala loko fly kurebole shekai she koishe.
Add Comment