July 2, 2021. Thursday din police para Panchali jaga Assam, Dibrugarh town te tui(2) jun smugglers ke thurishe aro etu manuh khan laga hath te uspected rhino horn, elephant tusk aro 19 grams heroin paishe koishe. Police para thura manuh laga nam toh Meraj Khan aro Aniz Rahman ase aro tai jun be Panchali jaga te boha manuh ase koishe. Tai jun laga hath te Rs 1.30 lakh be paishe, etu khobor kora te Dibrugarh SP Shwetank Mishra para koishe ke, “ami khan logot khobor hona nemite Miraj Khan laga ghor te jaikena check kora samai ekta one suspected rhino horn, ekta suspected elephant tusk aro heroin19 grams toh tai laga hath te thakishe.” Mishra para aro koishe ke, “ami khan para etu manuh logot kotha kori ase, itya dak te dosura khobor toh kuboli naparibo, keli koile investigation toh soruh hoikena jai ase.” Khan aro Rahman, tai jun toh be drug trafficking te samil ase aro etu oper te janwar laga illegal parts smuggling kori ase,” koikena khobor para janaishe. “Dibrugarh police nemite etu besi tangor kamyaab ase aro jodi bhal para investigated korile aro dosura khobor besi bapaboli ase,” koikena khobor para aro janaishe.
Add Comment