Assam aro Mizoram Chief secretaries July 9 Delhi te meeting koribo

July 4, 2021. Assam aro Mizoram laga chief secretaries pithor te Delhi te July 9 te meeting korikena tuita(2) desh laga pithor te border jamila thaka toh kotha koriboli ase koikena Assam chief minister Himanta Biswa Sarma para khobor toh junaishe. Saturday din New Delhi te Assam chief minister Himanta Biswa Sarma para koishe ke state te “border jamila” thaka toh osor state logot kotha koikena mojur te aniboli ase janaishe. Tai para koishe, jamila thaka dak toh “kotha kora kotom nahobo”etu nemite bhal para saikena border laga kotha koboli ase. Itya samai, Arunachal Pradesh, Meghalaya, Nagaland aro Mizoram border jamila ase,”koikena Assam chief minister Himanta Biswa Sarma para janaishe. “ami khan para etu border te jamila thaka toh kam kora soruh hoishe aro ami khan laga border toh pachaikena ase aro etu eke neshina toh dosura osor state khan logot be bhal para kotha korikena thakibo,” tai aro janaishe. Assam aro Mizoram pithor te borders jamila toh besi saal para thakina ase. Olop din akhe te Sarma para koikena ase ke, border jamila toh dosura osor desh logot thaka toh tai laga government nemite sobse tangor kam pachikena ase koishe.