India-Bangladesh border pithor 6 check posts kulishe

July 4, 2021. India-Bangladesh borders laga 6 border checkposts 4,096 km toh hafta te tin(3) paar kula thakibo aro tuita(2) desh laga manuh khan peraboli ase koikena khobor para janaishe. Etu fesla toh Covid-19 bemari thaka nemite bonaishe. Khobor hesab te India para Bangladesh jowa manuh logot no objection certificate (NOC), Covid negative report aro quick response code 72 gonda pithor te lowa laga mandatorily lakibo koishe. India aro Bangladesh para jowa saal March moina te tuita(2) desh te manuh peraboli mana korikena ase, hoilebi trade nemite toh standard operating procedures (SOPs) pithor te kulikena ase. 6 border checkposts te hafta te tin(3) paar (Sunday, Tuesday aro Thursday) etu oper Petrapole-Benapole, Gede-Darshana, Mahadipur-Sona Masjid, Hili-Hili and Changrabandha-Burimari checkposts aro West Bengal border, Agartala-Akhaura checkpost Tripura toh kula thakibo. Hoilebi, training aro medical treatment kam nemite Bangladeshi manuh khan ke India visit koriboli toh strict restrictions aro protocols ase,” koikena official para janaishe. Agartala-based Bangladesh Assistant High Commission laga official para koishe ke, dosura foreigners manuh ke Bangladesh visit koriboli mana ase aro etu rasta toh government para bondh korikena ase. Tai koishe, Bangladesh manuh kaun laga visa toh 15 din expire hoboli ase tai khan ke desh te wabas ahiboli koishe. “India te Bangladesh diplomatic missions nemite desh te wabas ahiboli thibo,” koikena official para janaishe. Tai aro janaishe ke, Bangladeshi manuh aro students kaun laga visa thiri ase tai khan India te bohoboli pareh aro etu samai Covih hoshari neum thakiboli lage. Tripura aro Meghalaya, India-Bangladesh borders te four ‘Border Haats’ (markets) toh jowa saal March moina para Covid-19 bemar nemite bondh hoikena ase.