Delhi te Heroin 2,500 Crore daam thurishe

New Delhi: Delhi Police para Faridabad te sobse tangor 354 kg drugs thurishe aro etu 2,500 crore neshina laga daam ase. Etu drugs toh international drug racket te Afghanistan, Europe India laga jaga alag-alag te spread hoikena ase. Itya dak te 4 jun manuh ke thurikena ase aro officials para narco-terrorism angle case toh investigate kori ase. “police para Afghani national, Hazrat Ali, Kashmir’s Anantnag laga manuh, Rizwan Ahmad, Gurjot Singh aro Gurdeep Singh toh Punjab’s Jalandhar jaga laga manuh khan ase. Etu racket toh Afghanistan, Europe aro India te spread hoikena ase,” koikena Special Commissioner of Delhi Police Special Cell Neeraj Thakur para khobor toh janaishe. Police para aro 100 kg chemicals neshina heroin te jola toh b thurishe. Drugs toh international market te 2,500 crore nehsina daam ase aro etu drugs toh Punjab te putaboli thaka ase koishe. Investigation kora samai police para etu drugs toh kam toh Afghanistan pithor te jola toh sack bags aro cartons te lukaina thakishe aro etu drugs toh Iran’s Chabahar port hoikena Maharashtra’s Mumbai via Jawahar Lal Nehru port para smuggled kora ase. Punjab te thura manuh para police logot koishe ke, etu drug racket laga main manuh toh Navpreet Singh koikena Portugal para kam kori ase. Delhi Police para international drugs racket te samil thaka manuh ke thurishe. Heroin 283 kg toh international market 2,000 crore neshina ase aro etu Iran para Mumbai te paani rasta para smuggled kora toh be Directorate of Revenue Intelligence para olop din akhe te thurishe koishe.