Rajasthan te lightning para 18 jun morishe

Jaipur/Kota: Sunday din Rajasthan”s Jaipur, Kota, Jhalawar aro Dholpur districts te lightning para 18 jun morishe etu mora pithor te 7 bacha be samil thakishe, koikena police para khobor toh janaishe. Dosura khobor ekta te bosti ekta te be lightning para toh 21 manuh pithor te 6 bacha jokom paishe koishe. Jaipur te tangor hatsa howa te 11 jawan manuh morishe aro dosura 8 jun etu lightning para Amber Fort osor bahar te morishe, officials para khobor toh janaishe. Etu manuh khan watch tower para selfies loi thakishe aro dosura toh bahar thakishe. Watch tower te thaka manuh khan logot lightning para toh saam te marishe koishe. “11 manuh morishe aro 8 jun jokom hoishe,” koikena Jaipur senior police official Anand Srivastava para koishe. Tai para koishe ke, etu samai dosura jokom powa manuh khan ke rescue operation kam kori thakishe. Rajasthan assembly laga Chief Whip, Mahesh Joshi aro MLA Amin Kagzi toh SMS hospital te jaikena jokom powa manuh ke visit korishe aro elaj koribo nemite janaishe. Kota”s Garda bosti toh Kanwas police station pithor te ase, etu jaga te lightning toh tree pithor te bohi thaka samai marikena Radhe Banjara alias Bawla (12), Pukhraj Banjara (16), Vikram (16) aro tai bhai Akhraj (13) umer toh jaga te morishe, koikena Station House Officer Mukesh Tyagi para khobor toh janaishe, etu oper te 10 goats aro cow ekta be morishe koishe. Joko, powa bacha toh Rahul, Vikram, Rakesh, Man Singh aro 40 umer maiki ekta Phulibai koikena hospital te elaj kori ase aro tai khan laga halat toh bhal ase koikena SHO para janaishe. Chachana bosti jaga osor Sunel police station pithor te tuita(2) maiki manuh logot be jokom paishe koishe. Badi jaga osor Dholpur district’s Kudinna bosti te tinta(3) bacha Lavkush (15), Vipin (10) and Bholu (8) toh be lightning mara nemite morishe koishe. Rajasthan Chief Minister Ashok Gehlot aro Governor Kalraj Mishra para mora manuh oper te mon duhk howa janaishe. Tai para officials khan logot joldi te mora manuh laga ghor manuh logot motob thiboli janaishe.