GUWAHATI: Former Arunachal Pradesh social welfare & women & child development minister Mekup Dolo toh Saturday din morishe, tai toh 61 thakishe aro tai para jarikena jowa khan toh motha aro 4 jun bacha ase. Mekup Dolo toh April 5, 1960 saal, Pakke-Kessang, Rilloh bosti jonom korishe aro tai toh crafts centre, Seppa te instructor neshina kam kori thakishe. Arunachal Pradesh Assembly te Dolo toh Bameng constituency te 1999 para 2004 saal dak thakishe. Chief Minister Pema Khandu para former minister mori jowa nemite Mekup Dolo laga ghor manuh khan logot mon duhk howa janai thishe. Governor BD Mishra aro Legislative Assembly Speaker Pasang D Sona para be tai mora khobor honikena mon besi duhk howa janaishe. Governor para tai laga message te koishe ke, “tai mora nemite state laga maiki legislators ek jun jai-jaishe.” “ami Arunachal Pradesh manuh logot melaikena almighty god ke tai nemite eternal peace aro departed soul toh shanty thakiboli parthana kori ase aro tai laga ghor manuh logot be mon duhk kotha toh janai ase,” koikena governor para koishe. “former MLA Mekup Dolo para ami khan ke jarikena jowa nemite besi bapana tangor hoishe aro itya samai ghor manuh mon duhk hoi thaka te ami be samil ase,” koikena Speaker Sona para tai laga mon duhk kotha toh janaishe.
Former Arunachal Pradesh minister Mekup Dolo morishe
