AGARTALA: Tripura te cabinet toh besi din nahoikena putli koriboli ase koishe. State te 2023 saal te Assembly elections loboli ase, etu nemite BJP-led Tripura Government para cabinet te aro members khan samil koriboli ase. Tripura chief minister Biplab Deb para 2019 te thurikena thaka kali portfolios te notun ministers thaliboli ase koishe. Tripura BJP laga senior leader ek jun para koishe ke central te central leadership para cabinet te putli koriboli janaishe. Tripura chief minister Biplab Deb toh olop din akhe New Delhi te jaikena etu samai tai para top central BJP leaders oper te Prime Minister Narendra Modi logot State te cabinet re-shuffle aro tangor koriboli kotha koikena ase. “cabinet re-shuffle aro expansion koribo nemite besi din nathakina junai thiboli ase,” koikena Tripura BJP para Northeast Now logot khobor toh janaishe. Khobor para aro koishe ke, notun cabinet bonabo aro state te 2023 saal Assembly elections thakiboli ase, “etu samai alag-alag castes aro communities khan logot cabinet te moka thiboli ase.” Tripura cabinet ministers pithor te konuba manuh ke aro MLAs hoboli thibo ase. Itya samai, Tripura chief minister Biplab Deb para 4 extra portfolios thurikena ase aro etu oper te State te BJP-IPFT coalition government 2018 saal te howa beche tinta(3) neshina seats kali ase koishe. Dosura khobor ekta te Chief Minister Deb para senior BJP legislator Sudip Roy Barman ke cabinet para hatai deya beche, health & family welfare portfolio toh 2019 saal para kali hoikena ase koishe. Jodi khobor toh besas korishe koile olop din akhe Sudip Roy Barman ke BJP central leaders para cabinet post thishe, hoileni Barman para etu moka toh lowa nai koishe.
