July 18, 2021. Saturday din Mizoram te komti hoilebi 483 manuh pithor te 127 bacha logot Covid-19 positive test paishe, etu melaikena itya state te bemari cases toh 26,690 hoikena ase koishe. Mizoram te 24 gonda pithor te Covid-19 bemar para 1 jun mora khobor paishe, etu melaikena 120 morikena ase, official statement para janaishe. 24 gonda pithor te 5,026 samples tested kora te etu 483 notun cases toh thurishe aro ek din laga positive rate toh 9.61% te ase. Aizawl district te Covid-19 cases 279 toh sob se besi thura khobor ase, etu beche Kolasib aro Lunglei districts te 59 aro 52 cases khobor paishe. Baki dosura cases toh Mamit district (36), Lawngtlai district (28), Siaha district (27), Champhai aro Khawzawl districts te ekta-ekta cases paishe. Etu samai 58 notun cases toh Zoram Medical College (ZMC) te RT-PCR laboratory test para thurishe aro TrueNat facilities para 8 cases thurishe aro baki 417 cases toh Rapid Antigen Tests samai thura ase koikena statement para janaishe. 1 jun manuh toh travel history thakishe aro baki 482 toh locally thurishe koishe. Mizoram te itya 5,741 Covid-19 active cases ase aro etu samai 20,829 manuh bemar bhal hoishe. Covid-19 recovery rate toh 78% ase aro mora rate toh 0.44% ase koishe. State te itya dak 5.51 lakh samples test loikena ase koishe. State immunisation officer Dr. Lalzawmi para koishe ke, Friday din dak te 6 lakh logot vaccine thikena ase, etu pithor te 1.2 lakh manuh ke tuita(2) vaccine doses be thikena ase. Etu samai state government para hoshari neum toh putli korishe. Official para meeting te koishe ke, important officials aro NGOs representatives, churches aro community leaders pithor te meeting thakishe. Etu meeting te Covid-19 bemar manuh khan ke Covid Care facilities para discharge test naloikena jariboli fesla loishe.
Mizoram te 483 cases pithor te 127 bacha samil ase
