IMPHAL: Monday din te Manipur activist Erendro Leichombam ke Supreme Court’s orders hesab para jarishe koishe. Tai para Facebook post te BJP leaders khan laga kotha ekta Covid-19 bemar toh cow dung aro cow urine para bhal hoi koikena thaka te kelaaf koro nemite National Security Act (NSA) pithor te thurishe aro tui(2) moina thaka beche jarishe. Monday din Supreme Court laga division bench of Justices D.Y. Chandrachud aro M.R. Shah para tai ke 5 p.m akhe te jariboli order deya nemite 40 umer Leichombam ke Central Jail para olaishe. Justice Chandrachud para koishe ke, etu neshina kam te manuh ekta ke jail te 1 din be bohiboli kam nai koishe. “tai ke 1 din be jail te rakiboli kam nai, ami khan para tai ke aji jariboli order thibo.” Solicitor General Tushar Mehta para bench logot Tuesday din etu kam nemite list koriboli koishe. Hoilebi, bench kam kora nai aro koishe ke court para tai ke interim hesab te jaribo. “tai ke hotai din jail te raki thaka toh Article 21 pithor te right to life aro personal liberty nemite besi kalti ase. Etu nemite ami khan para court logot koish ke petitioner te joldi jariboli janaishe,” koikena bench para koishe. Court para Registrar (Judicial) logot koikena Manipur Central Jail te khobor loikena tai ke Monday 5 p.m dak te jariboli koishe. Activist laga counsel para next hearing thaka samai compensation debe koikena submitted korishe. Leichombam laga baba L. Raghumani Singh para petition filed kora nemite court para tai ke joldi jariboli koishe.
