SHILLONG: Meghalaya cabinet para Maxim Infrastructure aro Real Estate Pvt Ltd, logot 30 saal nemite notun lease agreement korikena Shillong te 5-star hotel bonai thaka pending thaka toh kotom koriboli fesla loishe. Olop din akhe Meghalaya government para HM Cements logot 5-star hotel toh bonaboli agreement signed korishe. Hoilebi, etu bonaboli toh besi saal para pending ase aro firm para Rs 2.5 crores neshina government logot thiboli ase koishe. Cabinet meeting beche Meghalaya chief minister Conrad Sangma para koishe ke, state cabinet para notun agreement toh notun firm logot 30 saal nemite sign korikena project toh kotom koriboli fesla korishe. Tai para koishe ke, puila laga baki toh notun firm para government logot thiboli fesla loishe. Tai para aro koishe ke, etu notun firm para Shillong Municipal Board (SMB) nemite office be bonaboli fesla korishe. “ami khan etu project toh joldi para state laga manuh aro tourism sector, nemite bona kotom koriboli mon ase,” koikena Meghalaya chief minister Conrad Sangma para janaishe.
Government aro Maxim Infra Ltd agreement sign korishe
