July 20, 2021. Andhra Pradesh laga Senior BJP leader aro former Lok Sabha MP, Dr Kambhampati Hari Babu toh Monday din Mizoram State laga notun Governor koriboli kosom kaishe. Tai toh Mizoram statehood 1987 saal te powa beche 22nd Governor ase koishe. Hari Babu para PS Sreedharan Pillai ke putli korishe, tai toh Goa Governor nemite transferred hoishe. Gauhati High Court judge – Justice Michael Zothankhuma para office aro secrecy oath toh Hari Babu nemite Raj Bhavan, Aizawl te thakishe. State capital te Coronavirus bemar nemite lockdown hoikena thaka para swearing-in-ceremony samai konuba special invitees neshina Chief Minister Zoramthanga aro tai laga cabinet colleagues, state Chief Secretary, Director General of Police (DGP) aro political party leaders aro NGOs khan he samil korishe. Hari Babu toh Andhra Pradesh’s Prakasam district, Thimmasamudram te 1953 saal jonom paishe aro tai Andhra University te B Tech in Electronics & Communication engineering te graduated hoikena master degree aro doctorate degree toh etu eke university para electrical aro control systems te loishe. Tai toh University’s Engineering College te 24 saal (Associate Professor) teaching kam kora samai voluntary retirement loikena 1993 saal politics te jaishe. Tai toh Andhra Pradesh Legislative Assembly, Visakhapatnam-I seat te 1999 saal te junishe. Etu beche tai Andhra Pradesh State BJP president 2014 saal te hoishe aro etu saal te he Vishakhapatnam para 16th Lok Sabha te junaishe. Tai ke Governor of Mizoram najuna ekhe, Dr Hari Babu toh BJP’s National Executive Member (2018-2021) thakishe.
