July 20, 2021. Assam Dibrugarh district te doctor 1 jun logot tuita(2) ‘alpha’ aro ‘delta’ variants Covid-19 bemar toh thurishe koishe. Experts laga khobor hesab te etu neshina case toh India te 1st ase janaishe. Dibrugarh’s Lahowal based Regional Medical Research Centre (RMRC), Indian Council for Medical Research (ICMR) experts para reporters logot koishe ke, etu maiki doctor vaccine pura loikena ase aro tai second dose loikena thaka samai ek moina beche positive tested aro paishe. Etu doctor toh itya mild symptoms ase, hoilebi tai hospital te bohiboli laga halat te nahoike, koikena khobor para janaishe. “etu case toh India te 1st ase. Ami khan itya kam toh sai ase aro etu case toh pesari ase,” koikena Biswajyoti Barkakoty of ICMR-RMRC par kowa khobor toh Deccan Herald te janaishe. Physicians khan laga khobor hesab te, double infection howa toh virus toh tuita(2) manuh logot tuita(2) variants thaka nemite lakai hobo koishe. Doctor laga motha ke be ‘alpha’ variant Covid-19 thurishe koishe. Khobor besab te etu neshina case toh jowa saal Britain te 1st khobor paishe aro dosura ekta toh Brazil te be khobor paishe.
