GUUWAHAT: Deputy Inspector General of Police (DIGP) para 2011 saal te government logot permission naloikena foreign te besi paar visit kora nemite Assam government para suspended korishe, koikena officials para janaishe. Police spokesman para koishe ke, senior IPS officer Rounak Ali Hazarika ke immediate effect para ‘government guidelines’ aro ‘gross misconduct’ kora nemite suspension te ase koikena janaishe. Tai, Assam Police Service (APS) toh 1991 saal te joined korishe. Hazarika toh itya Border Wing of Assam police laga DIG ase aro itya tai para government laga fesla oper te kotha eku koboli nai koishe. Home & Political Affairs department para notification te koishe ke, Hazarika para 2011 saal te besi paar foreign trips jawo laga khobor paikena ase. “Hazarika para ketai be Home Department of Assam government logot permission naloikena besi samai tai APS cadre te joined kora beche bahar te jaikena ase koishe. “Governor of Assam (Jagdish Mukhi), para powers exercise kora te All India Services (Discipline & Appeal) Rules, 1969 pithor te Sri Hazarika ke suspension korishe,” koikena notification te janaishe. Khobor para koishe ke, Hazarika laga headquarters toh Director-General of Police office hobo aro Secretary, Home & Political Affairs Department laga permission naloikena headquarters jarikena jaboli mana ase koishe.
DIGP Rounak Ali para nakoina foreign trips jowa te suspended thishe
