July 21, 2021. Dosura khobor ekta illegal trafficking of drugs te kamyaab powa te Darrang Police para heroin 29 gm toh light passenger gari para thurishe koishe. Etu heroin toh Darrang district, Sipajhar jaga te hgari driver ek jun logot paishe koishe. Etu operation te secret khobor powa nemite thura ase. Northeast Now logot kotha kora samai, Darrang superintendent of police, Sushanta Biswa Sarma para koishe ke, “Sipajhar police para Singimari NH-15 te light passenger gari registration no. AS13-AC-0979 te heroin toh thurishe,” koikena janaishe. “gari pithor te check kora samai suspected heroin 29 gm toh etu gari laga driver laga hath para paishe,” koikena Darrang district police chief para khobor toh janaishe. Etu samai, case (No 460 /21) toh Sipajhar police station te section 21 (b) Narcotic Drugs & Psychotropic Substances NDPS) Act, 1985 pithor te registered korishe. Police para passenger gari laga driver ke thurishe aro tai laga nam toh Jalil Ali ase koikena janaishe. Driver toh No 2 Ghorasowa, Sipajhar police station pithor te thakai manuh ase koishe. Police para court te loikena jaishe aro itya judicial custody te ase. Etu heroin thura laga khobor janai deya te, Darrang Police para koishe ke, “ami khan logot secret khobor powa nemite, aji Sipajhar PS team para ek jun Md. Jalil Ali koikena No-2, Ghorasowa, Sipajhar PS on NH 15 pihtor, Singimari te Heroine29 grms toh tai laga hath te thakai thurishe,” koikena khobor toh janaishe.
Darrang Police: Passenger gari te heroin thurishe
