Mumbai: Mumbai Govandi jaga te building kerikena komti hoilebi 7 jun morishe aro tin(3) jun neshina jokom paishe. Khobor para koishe ke, Shivaji Nagar, Govandi te ekta storey residential building toh at 4.58 am samai kerishe. “Govandi Mumbai te, building kerikena 7 jun manuh morishe,” koikena Mumbai Police para khobor toh janaishe. “7 Seven fire engines aro fire brigade laga ekta rescue van aro police personnel khan etu jaga te jaikena rescue operation kori ase,” koikena Brihanmumbai Municipal Corporation (BMC) official para khobor toh janaishe. Civic officials laga khobor hesab te, jokom powa manuh khan ke Rajawadi hospital aro Sion hospital te loikena jaishe koishe. Rajawadi hospita te jokom manuh loikena jowa toh Neha Shaikh, 35 umer, aro Mokar Shaikh ase aro 80 jun toh rasta te morikena hospital pongchise koishe. Dosura jokom powa manuh toh Shamshad Shaikh aro tai laga halat toh besi serious te ase koishe. Dosura manuh kaun khan elaj kori ase tai khan laga halat toh bhal wala ase, koikena offcials para aro khobor toh janaishe. Etu incident laga dosura khobor toh aro janiboli roki ase koishe.
Mumbai te kera te 7 jun morishe
