July 23, 2021. All India Institute of Medical Sciences (AIIMS) para Delhi te Covaxin’s second dose toh bacha umer 2 para loikena 6 umer saal khan logot trial koriboli ase koishe. Etu trail toh aha hafta para soruh koriboli ase koishe. AIIMS para olop din akhe te be bacha umer 6-12 dak logot Bharat Biotech’s Covaxin second dose vaccine thikena ase koishe. Coronavirus vaccine toh bacha khan pithor te desh te 3rd wave samai thiboli roki ase koikena janaishe. Olop din akhe AIIMS director, Dr Randeep Guleria para janaishe ke, bacha khan nemite Covid-19 vaccine toh September moina te soruh koriboli ase. AIIMS Delhi toh ekta centers ase ke 18 umer neji manuh ke vaccine trials loi ase koishe. Tuesday din government para janaishe ke Bharat Biotech’s Covaxin toh WHO’s pre-qualification nemite kam roki ase. Serum Institute of India (SII) para bona Covishield vaccine toh puila para pre-qualification hoikena ase. Etu samai, government para olop din akhe te koishe ke, Delhi High Court para Zydus Cadila clinical trial DNA-based Covid-19 vaccine ZyCoV-D toh 12-18 umer group logot joldi koriboli ase janaishe. 15 July darik laga affidavit hesab te Ministry of Health and Family Welfare laga Under Secretary, Satyendra Singh para koishe ke, “Zydus Cadila para bona DNA vaccine toh 12-18 umer group nemite clinical trial lowa te tangor kamyaab paishe,’ koishe. Singh para aro janaishe ke, Ahmedabad-based Zydus Cadila’s DNA vaccine toh statutory permissions paikena etu vaccine toh 12-18 umer group pithor te ahiboli din nemite te be paijaboli koishe.
AIIMS te Covaxin 2nd dose trial soruh hoboli ase
