Panaji: Friday din Goa te 40 saal beche sobse beya floods ekta te 1 jun manuh morishe aro 1,000 neshina ghor beya howa te 100 manuh khan paani tangor aha nemite floods para ghor jarikena jaboli olaishe, koikena state government para khobor toh janaishe. Chief Minister Pramod Sawant para reporters logot koishe ke, floods para talukas laga Sattari jaga, Bicholim, Ponda, Dharbandora, Bardez aro Pernem, aro dosura jaga besi beya halat korikena ase. Tai para aro janaishe ke, maiki 1 jun toh Dharbandora taluka jaga te paani te thupina morishe, hoilebi etu maiki mora khobor toh roki ase koishe. Chief minister para konuba jaga neshina Bicholim taluka te visit korikena rescue aro relief operation jai ase koishe. Tai para koishe ke, government-run schools toh ek paar nemite ghor bonaikena flood jaga te manuh ke bohiboli thikena ase. “etu floods toh 1982 saal beche ekta sobse beya ase. Ghor saman toh crores neshina laga daam beya hoishe,” koikena Mr Sawant para janaishe. Chief minister para koishe ke, disaster management teams khan Friday din para kam soruh hoikena manuh besi jun ke alag-alag jaga para othai ase koishe. Tai para aro koishe ke, Pernem taluka (North Goa) te Chapora river toh danger mark oper jaishe aro etu para 88 ghor beya korishe aro etu samai 8 jun manuh ke othaishe. Chapora river para aro Bardez taluka beya korikena 167 ghor neshina toh beya hoikena ase aro 9 jun manuh ke pachaishe, koikena Mr Sawant para koishe. Tai aro kowa toh Bicholim taluka, Valvanti aro Chapora rivers te paani besi otha nemite 164 ghor beya hoikena ase aro 40 jun ke etu jaga para othaishe. Sattari para talukas sobse beya kora te 130 ghor beya hoishe aro etu samai 65 manuh ke Valvanti aro Mahadayi rivers te danger level para othaikena ase. Tai aro koishe ke, Ponda taluka te Waghurme bosti para manuh besi ke othaikena ase aro etu jaga te paani besi howa nemite manuh khan pasikena thaka khan logot recue team pongchikena ase. Health Minister Vishwajit Rane, etu jaga ke jaikena kam koriboli sai thakishe. South Goa’s Salcette taluka te Kushavati river toh danger level oper otha nemite 18 ghor beya korishe, koikena Sawant para janaishe. South Goa, Dharbandora taluka te 135 ghor beyahoishe aro 150 manuh ke othaikena ase koishe. Canacona te Talpona river te paani besi howa nemite 60 ghor neshina beya koikena ase, Chief Minister para janaishe. Coastal state te olop din akhe para paani besi keri ase koishe. Etu samai State fisheries department para fishermen khan logot paani osor te naperaboli janaikena ase.
Goa: Flood para 1,000 ghor neshina beya korishe
