HYDERABAD: Friday din Jangaon te Telangana State Road Transport Corporation (TSRTC) laga super luxury bus ekta te jui thurishe, hoilebi etu samai kaun manuh be jokom powa nai koishe. Etu bus toh Warangal Bus Depot 1 laga Hanmakonda para Hyderabad jowa samai jui toh thura ase koishe. Bus toh Ghanpur town pongchibo samai 3.30 pm samai howa ase koishe. Driver para bus te konuba problem jana nemite asti hoikena check kora samai bus para fumes olai thaka janaishe. Etu saat te driver para jodi bus rokishe aro 30 passengers khan ke lamiboli koishe, etu beche minutes samai bus toh jui para julishe koishe. Bus lagfa driver para koishe ke, “Ghanpur pongchibo samai asti korishe aro ami ckeck kora te bus te fumes ola sorouh hoishe aro jui toh minute pithor te juli jaishe, ami etu samai passengers sob ke lamiboli koishe aro passengers sob bus para lamishe.” TSRTC officials aro firefighters etu jaga te pongchise aro jui toh moraishe. TSRTC officials para janaishe ke, etu incident toh engine te short circuit howa nemite ase koikena janishe.
Telangana Govt bus te jui olaishe
