IMPHAL: State Police pithor te National Security Act (NSA) para journalist Kishorechandra Wangkhem ke thurikena thaka toh Manipur High Court para jariboli order te janaishe. Kishorechandra Wangkhem toh The Frontier Manipur te journalist ase, tai para Manipur BJP president S Tikendra Singh, COVID-19 bemar para mora samai Facebook te post kora nemite police pithor NSA para thurikena ase. Khobor para koishe ke, Manipur High Court laga tuita(2) judge bench, Chief Justice PV Sanjay Kumar aro Justice Kh Nobin Singh para Kishorechandra Wangkhem ke Friday din 5 pm dak te jariboli order thikena ase koishe. “Cow dung aro cow urine para kam nakori, etu kotha toh mesa ase, kali para ami fish eat koribo,” koikena Kishorechandra para tai laga Facebook page te BJP leader S Tikendra Singh mora beche lekishe. Olop din akhe te be Manipur activist Erendro Leichombam ke thurikena thaka samai Supreme Court para orders janai deya beche Monday sam te jarishe. Tai para Facebook post te BJP leaders khan para dung aro cow urine para Covid-19 bemar bhal hoi kowa kotha te kelaaf kora nemite NSA para thurishe aro tai ke tui(2) moina beche jail para jarishe. Kishorechandra Wangkhem aro Erendro Leichombam ke eke din te thurishe, koikena khobor para janaishe.
Manipur HC para journalist Kishorechandra ke jariboli koishe
