July 25, 2021. Media khobor hesab te komti hoilebi Manipur laga 8 Congress MLAs BJP te samil koriboli ase honai nemite, AICC leader Bhakta Charan Das para janaishe ke Manipur te Congress MLA kaun be party jarikena jowa nai koishe. Das kaun Imphal te camping kori ase, tai para state party unit laga political jamila toh resolve kori ase. Friday din MPCC president Govindas Konthoujam para party chief Sonia Gandhi logot resignation letter submitted kora toh janaishe. Hoilebi, itya dak te Konthoujam para party jarikena jowa nai koishe. Imphal te Das para reporters logot koishe ke, notun president toh 7 din pithor te juniboli ase. Tai koishe ke, party MLAs khan logot phone para kotha koikena ase. Konuba manuh pithor te K. Joykishan, high-profile MLA ke tai lok korikena kotha koboli ase, koikena Das para janaishe. “Congress party te problems sob toh kotom hoishe. Ami khan sob eke logot melikena March 2022 Assembly election te kamyaab hobo nemite kam koriboli ase, keli koile congress toh wabas ahibo. Prominent Congressman ek jun ke notun president junibo aro party khan aha election te majority bapo,” koikena Das para kowa kotha toh The Hindu para janaishe. Tai aro koishe ke, senior MLAs aro dosura khan party takot thakibo nemite melikena kam koribo. Manipur Chief Minister N Biren Singh para koishe ke, komti hoilebe 6 Congress MLAs khan BJP join koriboli ase. Tai janaishe ke, jodi Supreme Court para 12 party MLAs kaun khan ke Parliamentary Secretaries junikena thaka ke disqualified korilebi, BJP-led coalition Ministry pithor te melikena thakibo. Court para judgment toh July 26 darik te junai thiboli ase koishe.
