AGARTALA: Monday din Tripura chief minister Biplab Kumar Deb para 105 umer tribal buri ek jun olop din akhe te Covid-19 vaccine lowa nemite kushi powa janaishe. Chief minister Deb toh Brahmachhera tribal bosti, Tripura’s Gomati district pithor Matabari rural development block te jaikena Tara Kanya Debbarma logot olop samai thakishe. “mai Tarakanya Debbarma of Brahmacherra lok korishe, tai laga umer toh 105 ase aro olop din akhe coronavirus vaccine loboli vaccination center te ahishe. Ami ketai PM Modi laga noksa thikaishe, tai para jeniboli parishe. Jodi tai vaccine loboli parishe koile, ami khan keli roki ase, koikena CM Deb para janaishe. Tripura Chief Secretary Kumar Alok para olop din akhe tai laga umer toh 121 ase koikena ase.
Kumar Alok para koishe ke, “121 umer, Brahmacharya Matabari Block, Tripura para vaccine loishe aro etu besi tangor example ase, etu para manuh besi vaccine loboli paribo. CMO aro health officials para koishe ke, Election Commission laga electoral list hesab te etu buri laga umer toh 105 ase, hoilebi tai laga ghor manuh aro ghor osor khan para umer toh 121 kowa he ase. Senior health official para koishe ke, buri manuh khan besi wala toh bosti pithor te jonom powa khan ase aro tai khan traditionally hesab te official document nai. Tai laga osor ghor manuh khan para be Tara Kanya Debbarma motob korikena 121 umer ase koishe.
