New Delhi: Mumbai te Special Court para National Investigation Agency (NIA) logoti Elgar Parishad case toh saikena accused oper te draft charges toh August 9 darik te submit koriboli janaishe. Draft charges toh NIA para accused kelaaf te case toh Special Judge Dinesh E Kothalikar osor te filed koribo. Etu case te accused, Gautam Navlakha para court logot koishe ke, tai ke investigating officers para electronic devices thura te cloned copy napa dak draft charges submit koriboli toh roki thakiboli koishe. Judge para Navlakha logot submit koribo koishe, keli koile draft charges toh NIA para court logot thikena ase koishe. Etu draft charges toh court te filed kora beche, court para accused laga alag-alag charges aro prima facie case toh janai thiboli ase. Defense para tai khan logot kelaaf koriboli pareh aro trial toh soruh koribo. Etu samai, NIA para Professor Anand Teltumbde, activists Gautam Navlakha aro Vernon Gonsalves laga bail pleas toh jawab thikena ase. Agency para bail plea toh kelaaf korikena koishe ke, accused para kalti kam kora toh besi tangor ase. Tin(3) jun accused para bail applications filed korikena janaishe ke, tai khan toh 60 umer opera se aro Covid-19 bemari samai besi duhk te ase koishe. NIA court para Taloja jail ke Anand Teltumbde laga health condition toh check koriboli koishe. Court para jail authorities logot koishe, Anand Teltumbde ke medical tests nemite loikena jawa beche report toh court te submit koriboli janaishe. Etu cases te tui(2) jun accused- Sagar Gorkhe aro Ramesh Gaichor para be bail applications filed korikena ase. Court para aro NIA ke tai khan laga bail pleas toh file koriboli janaishe. Gonsalves ke 2018 saal thurishe aro Teltumbde aro Navlakha toh 2020 saal para jail te bohi ase koishe. 10 jun manuh pithor te tin(3) jun ke Elgar Parishad case te anti-national activities nemite thurishe aro tai khan toh banned organizations neshina Communist Party of India (Maoists) logot be melikena ase koishe.
