New Delhi: Delhi te 39 notun coronavirus cases thurishe, etu melaikena national capital te COVID-19 cases toh 14.36 lakh pongchise aro etu samai bemar para manuh mora toh 25,067 hoikena ase. 24 gonda pithor te 1 jun mora khobor paishe, koikena Delhi health department laga sobse notun khobor janai thishe. 24 gonda majot te 76 bemar manuh khan bhal hoishe. National Capital te COVID-19 positive rate toh 0.10 per cent te ase. Sunday din national capital te 66 cases thurishe aro positivity rate toh 0.10 per cent thakishe aro Saturday din Delhi te 72 cases aro 1 jun mora khobor powa te positivity rate toh itya 0.10 per cent te ase. Friday din national capital te 44 notun COVID-19 cases aro bemar para 5 jun morishe, etu samai positivity rate toh 0.06 per cent te ase. Thursday din 61 cases thurishe aro positivity rate toh 0.08 per cent te thakishe aro tui(2) jun mora khobor paishe. Delhi government laga health bulletin hesab te, 24 gonda pithor te 46,447 COVID-19 tests loishe. Case tally toh 14,36,800 thakishe aro 14,11,235 bemar manuh toh discharge hoishe nahoile bhal hoikena jaishe. Itya dak 498 active cases ase aro 178 toh ghor te isolation te bohi ase koishe.
Add Comment