J & K: Baramulla te Terrorists para security forces ke grenade hamla

August 14, 2021. Jammu & Kashmir laga Baramulla district te Terrorists para security forces oper te grenade pelaishe. Khobor para koishe ke, etu incident toh 2:30 pm samai hoishe. Terrorists para security forces party logot north Kashmir, SBI main Chowk Sopore osor te grenade pelaishe. Aji security forces para tangor kamyaab ekta te Pakistani terrorist para Jammu & Kashmir, Kulgam district te hamla kora khan ke larai kora samai mari thishe. Rathi pura larai kora te tuita(2) terrorists kaun khan building ekta te lukaina thakishe, tai khan para toh Jammu -Srinagar National Highway te BSF convoy logot gooli mara soruh korishe. Kashmir Inspector General of Police (IGP) Vijay Kumar para koishe ke, mora terrorists toh Pakistan para Usman thakishe koikena janishe, etu manuh toh jowa 6 moina para besi active te kam kori thakishe. “ 3 pm samai, terrorists para BSF convoy oper te Srinagar-Jammu National Highway osor Malpora Mir Bazar jaga te goole marishe. Etu goole mara te ROP (road opening party) laga police aro security forces para be jawab thishe,” koikena police spokesperson para  PTI logot khobor toh janaishe. IGP para koishe ke, general khobor toh jowa ek hafta neshina para honikena ase ke terrorists para national highway Baramulla-Srinagar rasta te tayar kori thaka toh. Etu samai, arms aro ammunition oper te AK-47 rifle, magazines, grenades, RPG-7 rocket launcher toh larai kora jaga para paishe.