Kolkata te Melinda Pavek ke US Consul charge thishe

August 14, 2021. Melinda Pavek para Kolkata Consular District te United States of America laga Consul General charge loishe. Puila etu laga post toh former Consul General Patti Hoffman thakishe. Melinda Pavek para Kolkata te Consul General toh August 12, 2021, te loishe aro itya tai para advancing US-India relations toh saikena consular jurisdiction- West Bengal, Bihar, Jharkhand, Sikkim, aro 7 northeastern states te kam koribo. “ami United States of America represent korikena East aro Northeast India te kam koriboli nemite moka deya nemite besi kushi ase” koikena Consul General Pavek para koishe. “ami laga consular district te manuh khan logot lok korikena jabo aro ami U.S nemite Consulate Kolkata te kam kora te U.S.-India partnership nemite advance hoike te jabo” Pavek para koishe. Tai Kolkata te aha beche, Consul General Pavek toh Tokyo te U.S. Embassy laga Science, Innovation aro Development te Counselor thakishe. Etu akhe te Pavek toh US Embassy Islamabad, Pakistan te Supervisory General Service Officer kam kori thakishe aro US Embassy Bandar Seri Begawan, Brunei te be Mission te Deputy Chief thakishe. Tai toh aro bahar countries neshina Nepal (Kathmandu), Jamaica (Kingston), Iraq (Baghdad), and Pakistan (Lahore) te kam korishe aro etu oper te Washington, D.C. te Special Assistant to Assistant Secretary for Administration kam korishe. Consul General Pavek para U.S. Department of State te 2004 saal te joined kora ase, koikena US Embassy para statement te janaishe. Consul General Pavek toh Minnesota para ase aro tai itya Wyoming te thaki ase. Tai para Master’s degree toh Business Administration (MBA) te Operations, Supply Chain aro Strategy toh Carlson School of Management, University of Minnesota te loishe. Tai laga Bachelor of Arts degree toh Political Science, Economics aro Asian Studies toh College (Rock Island, Illinois) te loishe koikena khobor para janaishe.