August 16, 2021. Meghalaya government para East Khasi Hills district te curfew (Sunday) 8 PM para soruh hoishe, etu curfew toh former HNLC leader Chesterfield Thangkhiew logot morai deya nemite Shillong te tangor olaikena protest thakishe. Government para aro internet services toh 48 gonda nemite bondh korishe, (Sunday) 6 PM para state laga 4 districts te bondh korishe. Etu 4 districts kaut te internet services bondh kora toh East Khasi Hills, West Khasi Hills, South West Khasi Hills aro Ri-Bhoi district te ase koikena janaishe. East Khasi Hills district Deputy Commissioner para Shillong te curfew toh August 17 darik 5 am dak junaishe, koikena Home Secretary, CVD Diengdoh laga order hesab te janaishe. Shillong laga municipal area, cantonment area, areas under Mawlai Block including census towns, all areas under Mawpat Block including census towns, areas under Mylliem Block from Umshyrpi Bridge up to 7th Mile in Upper Shillong, Madanrting, Mawblei, Laitkor, Nongkseh, Umlyngka, Lawsohtun, Mawdiangdiand, Diengiong, Siejiong area toh curfew pithor te samil thakibo. Shillong te surrendered HNLC leader Chesterfield Thangkhiew ke Friday din te morai deya nemite besi tangor jamila olaishe. Sunday din black flags toh Meghalaya laga capital city Shillong te jaga besi te Independence Day celebrations samai othaikena thakishe. Dosura khobor ekta te protesters aro police majot Shillong GS Road te larai olaishe. Kusa protesters khan para Sunday phujur police gari te pathor marishe.
Ex-HNLC leader morai deya nemite jamila te curfew junaishe
